GLN (Global Location Number) – Qlobal Yerləşmə Nömrəsi nədir və nə üçün istifadə edilir?
Qlobal Yerləşmə Nömrəsi (GLN) tərəfləri və məkanları müəyyən etmək üçün istifadə edilən qlobal unikal GS1 identifikasiya açarıdır. GLN istifadəçilərə öz daxili əməliyyatlarında və qlobal təchizat zəncirində kim və harada suallarına cavab verməyə imkan verir. GLN biznes proseslərində istənilən növ yerin unikal və üst-üstə düşməyən identifikasiyasını təmin edir.  

GLN nömrələrinin təyin edilməsi qaydalarını götürsək, onların identifikasiya üçün istifadəsinin dörd əsas halını görə bilərik:
• hüquqi şəxsi və ya fərdi sahibkarı müəyyən etmək;
• obyektin faktiki yerini müəyyənləşdirmək;
• obyektin funksiyasını təyin etmək;
• məkanı rəqəmsallaşdırmaq üçün istifadə etmək.

GLN nömrəsi haqqında nə bilmək və başa düşmək lazımdır?
• GLN bütün dünyada istifadə olunur. Bu, ümumi qəbul edilmiş standartdır. GLN hər dəfə sənədlərə təfərrüatların və əlaqə məlumatlarının daxil edilməsi ehtiyacını aradan qaldırır.
• GLN nömrəsi mütləq almaq lazımdır, bu elektron sənəd dövriyyəsinin əsas prinsiplərindən biridir.
• GLN ilə siz obyektinizin istənilən hissəsini, şirkətin fərdi funksiyalarını, filiallarını, hətta tədarük zəncirində müstəqil obyekt kimi iştirak etdikləri təqdirdə anbardakı və ya mağazadakı rəfləri müəyyən edə bilərsiniz. GLN istifadə etməklə bir tərəf malları haraya təhvil verəcəyini, digər tərəf isə haradan təhvil alacağını biləcək.
• Kiçik sifarişli oxşar obyektlər üçün - paylama mərkəzində rəflərin sıralarını müəyyən etmək üçün xüsusi uzantıları olan bir nömrəniz ola bilər. Təchizat zəncirinin strukturu mürəkkəb və şaxələnmişdirsə, ayrı-ayrı GLN-lərdən istifadə etmək daha yaxşıdır.

GLN nömrəsinin strukturu necədir?

GLN — 13 rəqəmli nömrədir, üç komponentdən ibarətdir:
İstifadəçinin Qlobal Prefiksi (GCP): GS1 Milli Təşkilatı tərəfindən təyin edilmiş qlobal unikal nömrədir. GCP 8 və ya 9 rəqəmdən ibarət ola bilər.
Məkanın İdentifikasiya Nömrəsi: Tərəfi və ya yeri müəyyən etmək üçün GS1 Milli təşkilatı tərəfindən təyin edilmiş qeyri-məntiqi nömrədir. Uzunluğu 3 rəqəmdən ibarət olur.
Nəzarət rəqəmi: Xüsusi alqoritmlə GLN-nin əvvəlki rəqəmlərindən hesablanmış soncu bir rəqəmdir. Bu rəqəm məlumatların düzgün tərtib edilməsini yoxlamaq üçün istifadə olunur.

GLN nömrəsini necə əldə etmək olar?

GS1 Azerbaijan sistemində qeydiyyatdan keçən zaman Sizə GCP və GLN təyin ediləcək. GLN sizi GS1 sistemində aydın şəkildə müəyyən etməyə imkan verir. Həmçinin Siz asanlıqla əlavə GLN də əldə edə bilərsiniz.

Haradan başlamaq lazımdır?

• İlk addım təyin ediləcək yerin növüdür.
• Müəyyən etmək istədiyiniz yerlərin növlərini təyin etdikdən sonra neçə GLN-ə ehtiyacınız olduğuna qərar verin. Bəzi şirkətlər bütün biznes obyektləri üçün bir GLN ayırmağı seçirlər, digərləri isə müəyyən edilməli olan hər bir yer üçün ayrıca GLN ayırırlar. Bu, anbarın qəbul yerindən tutmuş palatadakı xəstəxana çarpayısına qədər ola bilər.
• Yalnız bir neçə məkanı sadalamaq lazımdırsa, lazım olduqda əlavə GLN ala bilərsiniz. Əlavə GLN-lər tədarük zəncirində birdən çox yeri izləmək istəyənlər üçün ən yaxşısıdır.