12 sentyabr 2019-cu il tarixində GS1 Azerbaijan Cəmiyyətinin ofisində öz məhsullarını beynəlxalq
 əmtəə EAN ştrixkodları ilə markalamış GS1 sisteminin yeni İstifadəçiləri üçün növbəti seminar keçirildi. 
Ştrixkodların paylanması və istifadəsi qaydaları haqqında GS1 Azerbaijan əmtəə nömrələməsi 
Depozitariyasının müdiri G.Rəsulova ətraflı izahatlar verdi.

Məhsulların qablaşmasının üzərində ştrixkodların ayrılma və yerləşdirmə qaydaları izah olundu,
 dizaynerlərin etiketlərin maketini tərtib edən zaman yol verdiyi və praktikada tez-tez rast gəlinən 
səhvlər nümayiş edildi. Bu cür səhvlər məhsulun satışı və ya uçotu zamanı avtomatlaşdırılma 
prosesini çətinləşdirir. Ştrixkodların paylanması və istifadəsi qaydalarının müzakirəsindən sonra
 seminar iştirakçıları test suallarına cavab verdilər. Seminarda GS1 sisteminin istifadəçilərinin 
www.gs1az.org saytında yerləşən Şəxsi kabinetdən istifadə məsələsi ətraflı işıqlandırıldı. 
Tədbirdə iştirak edənlər məhsul və məhsul istehsalçıları haqqında məlumat əldə etmək 
imkanı yaradan GEPİR axtarış sisteminin və “GS1 Azerbaijan AZE Barcode” mobil həllin imkanları
 ilə tanış oldular. Seminarda video materiallar nümayiş etdirildi, həmçinin avtomatik identifikasiya 
avadanlıqlarının iş prinsipləri izah olundu və göstərildi. Seminarda GS1 Azerbaijan Cəmiyyətinin
 Baş direktoru Vəfa Əliyev iştirakçılara Şəhadətnaməsini təqdim etdi. Həmin Şəhadətnamə 
müəssisənin qlobal prefiksi (GCP) və qlobal yerləşdirmə nömrəsi (GLN) ilə qeydiyyatı təsdiq 
edən rəsmi sənəddir.