17 iyul 2020-ci il tarixdə GS1 Azerbaijan tərəfindən Zoom  platformu üzərindən GS1 sisteminin istifadəçisi
 olmuş Azərbaycan istehsalçıları üçün onlayn rejimdə təqdimat təşkil edilmişdir. Prezentasiyanı aparan 
GS1 Azerbaijan Əmtəə Nömrələmə Depozitariyasının müdiri Gülanə Rəsulova iştirakçıları GS1 əmtəə
 kodlarının əsas istifadə qaydaları ilə tanış etmişdir. GTİN-lərin verilməsi, GTİN nömrələrinin bağlamanın
 üzərinə yerləşdirilməsi, ölçüsünün və rənginin seçilməsi məsələlərinə ətraflı baxılmışdır. etiketlərin çapı
 zamanı yol verilən səhvlərin təhlilinə xüsusi diqqət ayrılmışdır. Onlayn rejimdə GS1 sisteminin 
istifadəçilərinin www.gs1az.org saytında yerləşən şəxsi kabinetlərindən işləmək qaydaları göstərilmişdir.

  Onlayn təqdimat zamanı yerli istehsalçıların məhsullarının üzərindəki 476 prefiksi ilə başlayan ştrixkodun 
oxunması zamanı məhsul və onun istesalçısı haqqında geniş məlumat əldə etmək imkanını verən 
AZE Barkode mobil həllin iş qaydaları nümayiş edilmişdir. Bu mobil həll müəyyən olunmuş qaydaları pozaraq
 etiketlərə yerləşdirilən qeyri qanuni ştrixkodları müəyyənləşdirməyə imkan verir. Onlayn təqdimatın
sonunda ştrixkod avadanlıqları və RFİD texnologiyası haqqında bir neçə slaydlar nümayiş etdirilmişdir.
GS1 Azerbaijan Cəmiyyəti karantin şəraitini nəzərə alaraq yaxın zamanda bu cür onlayn tədbirlərin keçirilməsini 
davam etməyi planlaşdırır.