Ştrixli kodlardan istifadə etməmişdən öncə, müəssisə həmin ştrixli koda daxil olacaq rəqəmləri əldə etməlidi. Bu rəqəmlər
   "GS1 identifikasiya açarları" adlanır. "GS1 açarının" yaradılmasında ilk addım - GS1 Milli təşkilatında Müəssisə Prefiksinin
   alınmasıdır. Belə prefikslər hazırda bir milyondan artıq şirkətlərin identifikasiyasında istifadə edilir və təchizat silsiləsi üçün
   unikal identifikasiya əsası yaradır.
   Azərbaycanda Müəssisənin GS1 Prefiksini əldə etmək üçün namizəd olan müəssisə "GS1 Azerbaijan" Milli təşkilatına müraciət
   etməlidir. Müraciət daxil olduqdan sonra isə, "GS1 Azerbaijan" öz növbəsində, müəssisəyə üzərində unikal Müəssisənin Qlobal
   Prefiksi və məlumatların elektron mübadiləsi üçün Qlobal Yerləşdirmə Nömrələri qeyd edən Şəhadətnaməni verir.

   Müəssisənin GS1 prefiksini əldə etdikdən sonra, fiziki və ya hüquqi şəxs ştrixli kodların identifikasiya nömrələrini bütün
   məhsullarına (əmtəə və xidmətlər), yerləşmələrinə, logistik vahidlərinə, şirkətin fərdi aktivlərinə, qayıdan vahidlərə (pallet,
   çəllək və qutular) vermək hüququna malikdir. Prosedur çox sadədi. "GS1 Azerbaijan" təşkilatı ərizənizə əsasən (xüsusi forma
   mövcuddu) sizi ştrixli kodların identifikasiya nömrələri ilə təmin edəcək.

   Ştrixli kodun simvolikasının ölçülərinin, yerləşdirməsinin və çap keyfiyyətinin seçilməsi ştrixli kodun harda skanerdən
   keçirilməsindən asılıdı. Əmtəəmallarının skanerləşdirmə mühitinin 3 əsas variantını qeyd etmək olar:


   1. bağlama ticarət zalındakı kassa terminalında skanerdən keçirilir;






   2. bağlama paylanma mərkəzində, anbarda skanerdən keçirilir;






   3. misal üçün, tibbi və elektron avadanlıqların markalanması kimi xüsusi işlətmələr.





   Ştrixli kodun harda skanerdən keçirilməsini bildiyiniz zaman onun çapına dair müvafiq tələbləri müəyyən edə bilərsiz. Söhbət
   ştrixli kodun bağlamanın üzərindəki ölçülərindən gedir. Misal üçün, əgər bağlama kassa terminalında və ya paylanma
   mərkəzində skanerdən keçirilirsə, siz kassa terminalı üçün nəzərdə tutulmuş EAN/UPC simvolikasını istifadə etməlisiz. Lakin,
   bununla yanaşı paylanma mərkəzində və ya anbarda skanerdən keçirilmə şərtlərinə uyğun gəlməsi üçün siz daha böyük ölçülü
   etiket çap eləməlisiz. Həmçinin, etiketin yerləşməsinin paylanma mərkəzlərində skanerdən avtomatik keçirilmə prosesinin
   tələblərinə riayət edilməsi vacibdir.
   Əlavə məlumatı "GS1 Azerbaijan" təşkilatının mütəxəssislərindən əldə edə bilərsiz.

   Ştrixli kod üçün müvafiq simvolikanın seçilməsi, ştrixli kodlaşdırmanın uğurlu tətbiqi üçün çox böyük əhəmiyyət daşıyır. Bu
   seçimin əsas meyarları aşağıdakılarda:

   - əgər ştrixli kod pərakəndə kassa terminalında skanerdən keçirilən əmtəə
     obyektinə vurulursa, EAN/UPC simvolunun istifadəsi zəruridir;




   - əgər ştrixli kod dəyişkən informasiya ilə çap edilirsə (misal üçün, seriya
     nömrəsi, yarlılıq müddəti, yaxud da ölçü miqdarı), o zaman aşağıdakı
     simvolikalardan birini seçmək olar:

   - əgər GTIN (Ticarət Vahidinin Qlobal Nömrəsi) olan ştrixli kod qofrokartondan hazırlanmış bağlamanın üzərinə çap edilirsə,
     bu zaman ITF-14 simvolikası istifadə oluna bilər.

   Əgər ştrixli kod simvolikasının seçimində çətinlik çəkirsizsə, məsləhət üçün "GS1 Azerbaijan" təşkilatına müraciət edə bilərsiz.

   Məlumatın kodlaşdırılması üçün ştrixli kod simvolikasını müəyyən etdikdən sonra etiketin dizaynın tərtibatı başlanır.
   Etiketdəki ştrixli kodun ölçüləri simvolika növündən və istifadə edilmə mühitindən asılıdır.

   Bu simvolikaların digər simvolikardan (ITF, GS1-128 və s.) fərqi ondan ibarətdir ki, onlar satışda istifadə olunur. EAN/UPC
   simvolları hündürlüyü və eni arasında dəqiq müəyyən edilmiş nisbətə malikdirlər.
   Göstəricilərdən biri dəyişən zaman, digər göstərici də müvafiq nisbətdə dəyişdirilməlidi. Bu, dəqiq nisbətə əsaslanaraq
   EAN/UPC simvolları nominal hündürlük və en ölçülərinə malikdirlər.
   Ölçülərin mümkün olan dəyişiklikliyi, simvolun nominal ölçüsünün 80%-200% diapazonunda müəyyən edilmişdi. Bu barədə
   əlavə məlumatı DÜST-lərdən və GS1-in Təsnifatından (Spesifikasiyasından) əldə etmək olar. Simvol ölçülərinin dəyişdirilmə
   həcmi çox vaxt "böyüdülmə əmsalı" adlandırılır, və bu əmsal əmtəələrin təchizatına sifarişlərdə şərtləşdirilə bilər.
   Aşağıda minimal, nominal və maksimal "böyüdülmə əmsallı" EAN/UPC simvolları təsvir edilib.

   Bəzən, EAN/UPC simvollarının etiketdə tutduğu yeri bir az sıxlaşdırmaq üçün simvolun hündürlüyünün azaldılmasına yol
   verilir. Kəsilmə adlanan bu proses, EAN/UPC simvolları haqqında təsnifatda yol verilməz hesab edilir və bu üsuldan çəkinmək
   məsləhət görülür. Bu onunla əlaqədardı ki, pərakəndə ticarətdə istifadə olunan skanerlərdən keçirildiyi zaman, qısaldılmış
   simvolların effektivliyinin səviyyəsi əhəmiyyətli dərəcədə azalır.
   Əgər eyni EAN/UPC simvolu həm logistikada (nəqliyyatda, anbarda), həm də kassa terminallarında istifadə edilirsə, onun
   böyüdülmə əmsalının 150%-200% diapazonunda olması mümkündür. Nümunə kimi böyük ölçülü məhsullar üçün istifadə edilən
   karton qutuların üzərində təsvir olunmuş simvolları göstərmək olar (misal üçün, televizor, mikrodalğalı soba və ya kompüter).

   Ştrixli kodun altında yerləşən və "vizual oxunma təqdimatı" adlanan rəqəmlərin rolu çox böyükdü. Çünki, əgər ştrixli kod
   zədələnibsə və yaxud aşağı keyfiyyətli olaraq skaner tərəfindən oxuna bilmirsə, o zaman, məlumatın oxunması üçün məhz bu
   rəqəmlərdən istifadə olunur.

   Aşağıda, GS1 sisteminə aid simvolların vizual oxunması üçün istifadə edilən rəqəmlərin təsviri ilə bağlı tez-tez meydana çıxan
   suallar cavablandırılır.
   ? Vizual oxunma üçün təqdim olunan rəqəmli əhəmiyyət müəyyən bir ölçüdə olmalıdırmı ?
    İlkin olaraq, EAN/UPC simvolikaların rəqəmləri üçün OCR-B şrifti seçilmişdi. Lakin, hazırda yetərincə aydın təsvirə malik
    olan istənilən şrift istifadə edilə bilər. EAN/UPC simvolları üçün təfərrüatlı təsnifatı GS1 Standartlarından əldə edə bilərsiz.
    ITF-14 və GS1-128 simvollarının vizual oxunma təqdimatı isə çox aydın və simvolun ölçülərinə proporsional şəkildə olmalıdı.
   ? Ştrixli kodun vizual oxunma təqdimatı harda yerləşdirilməlidi - yuxarıda ya aşağıda?
    Bu istifadə edilən simvolikadan asılıdı. EAN/UPC simvolları üçün yerləşmə müvafiq standartda qeyd olunub. ITF-14 və
    GS1-128 simvolikaları üçün isə rəqəmli əhəmiyyət həm simvolun üstündə, həm də altında çap edilə bilər.